កំណាព្យ កូនខ្មែរកាត់ចិនបេះដូងខ្មែរ បទពាក្យ ប្រាំពីរ

កំណាព្យ
កូនខ្មែរកាត់ចិនបេះដូងខ្មែរ
បទពាក្យ ប្រាំពីរ
1. ខ្ញុំជាកូនខ្មែរកាត់ចិនក្លាយ មកពីស្រុកអាយកំពង់ឆ្នាំង
ខ្មែរខ្លះបែរចោទថាខ្ញុំខ្មាំង ព្រោះឈ្មោះខ្ញុំនេះមិនដូចខ្មែរ។
2. ខ្ញុំឈ្មោះឆេងអ៊ួចិត្តមិនស្មូ មានចិត្តអាសូរដូចអ្នកដែរ
បេះដូងខ្ញុំមួយជួយមិនប្រែ ស្លាប់រស់ជាខ្មែរតកូនចៅ។
3. សូមទុកចិត្តចុះទោះដល់ណា មិនភ្លេចចំការស្រែញាតិផៅ
សណ្តាយសណ្តាន់ម្ជូរម្រះព្រៅ ប្រហុកមិនខ្លៅធ្វើប្រាជ្ញបាន។
4. ខ្ញុំសែនស្រលាញ់វប្បធម៌ខ្មែរ ក្រុងចំការស្រែផៅសណ្តាន
អភិវឌ្ឍអភិរក្សផ្សព្វផ្សាយបាន រុងរឿងថ្កើងថ្កានដូចសម័យអង្គរ។
ភ្នំពេញ ថ្ងៃទី ១៧ ខែតុលា ឆ្នាំ ២០១០
និពន្ធដោយ យី ឆេងអ៊ួ ហៅប៉េង បណ្ណារក្ស
Chanbo Keo: Intellectuals solve problems; geniuses prevent them. Albert Einstein
A leader is a dealer in hope.~Napoleon Bonaparte