ចម្រៀងបទ ពង្សាវតាខ្មែរ លំនាំបទ ខ្មែរតម្បាញ

1) ខ្មែរអើយ ចូរចាំជាក់ថា តាមសាវតា ជាតិខេមរា ធ្លាប់តែថ្កើង ទឹកដីខ្មែរធំ ទូលំទូលាយ សព្វសាយរុងរឿង គេឯង តែងលើកតម្កើង តម្កល់ជាតិយើង ចាត់ទុកឡើងជាជាតិច្បង ។
2) អារ្យធម៌ ខ្ពង់ខ្ពស់ឆើតឆាយ បានចេញផ្សព្វផ្សាយ គ្រប់ទិសទាំងឡាយ ចុងបូព៌ា សាសនា សិល្បៈ ចម្លាក់ វិចិត្រ គំនិតសិក្សា តន្រ្តី ទស្សនវិជ្ជា ព្រះពុទ្ធសាសនា ជាគោលការណ៍ខ្មែរផ្សាយទៅ ។
3) ខ្មែរអើយ ចូរស្តាប់សាវតា ដែលបានចរចា បញ្ជាក់ប្រាប់ថា ពូជខ្មែរថ្កើង
តាំងចិត្តឱ្យមាំ ខិតខំប្រឹងវិញ សាមគ្គីជាតិយើង ក្នុងចិត្តតម្កើង តម្លៃខ្មែរយើង
ឱ្យបានរុងរឿង ជាថ្មីឡើងតាមសាវតា ៕