កំណាព្យដឹងខ្លួនឡើង(បទកាកគតិ)

 កម្ពុជារដ្ឋ បើតាមបែបបទ តាំងពីបុរាណ
ថាខ្មែររុងរឿង គ្មានអ្វីប្រៀបបាន ប្រជាសុខសាន្ដ
បានសុខសេរី។
 ខាងសាងប្រាសាទ បានល្អស្អាតបាត គួគាប់ប្រពៃ
មានក្បាច់រចនា ប្រសើរពេកក្រៃ ល្អគាប់ហរទ័យ
នៃទេសចរណ៍ជន។
 សំបូរអ្នកចេះ អ្នកមានតំរិះ អនេកពេកពន់
ទាំងស្រីទាំងប្រុស គឺសុទ្ធជាធន់ ប្រៀបដូចជាទន់
កសាងប្រទេស។
 មិនដួចឥឡូវ ខ្មែរគិតមិនត្រូវ តែងធ្វេសប្រហែស
ដើរលេងសប្បាយ មើលងាយចំណេះ ថាមិនវិសេស
ដូចទ្រព្យសម្បត្ដិ។
 ការគិតដូចច្នោះ គឺពិតជាខុស ហើយជាវិបត្តិ
អោយកូនខ្មែរខ្ចិល ខុសពីបញ្ញាតិ ធ្វើអោយជាតិបាក់
ធនធានមនុស្ស។
 ខ្លះគេចសាលា មានរឿងស្នេហា កាមគុណទាំងនោះ
ទៅសេពថ្នាំញៀន ទង្វើនោះខុស បុព្ងបុរស
សោកស្ដាយយ៉ាងណា។
 បែកបាក់សាមគ្គី ដើរលេងផឹកស៊ី កើតជាបញ្ហា
ទំនាស់គ្នាឯង គួរគិតពិចារ ខុលឆ្គងប៉ុនណា
ខ្មែរឈ្លោះនិងខ្មែរ។
 យុវជនខ្មែរអើយ កុំនៅកន្ដើយ កុំគិតគេចកែ
ឆាប់ដឹងខ្លួនឡើង មិនទាន់ហួសទេ យើងត្រូវកែប្រែ
សាងខ្លួនជាថ្មី។
 ខិតខំសិក្សា តាមក្បូនតម្រា ពិតល្អប្រពៃ
នោះជាតិយើងនឹង រុងរឿងជាថ្មី ដូចកាលអតី
តកាលខ្មែរនោះ។
និពន្ធដោយ យុវសិស្ស ចំរើន វុទ្ធី រៀនថ្នាក់ទី១១ នៃអង្គការដើម្បីភាពញញឹម នៃកុមារ(PSE) ថ្ងៃទី ២៥ ខែមេសា ឆ្នាំ ២០១១