កំណាព្យ ស្ទួយខ្មែរឲ្យបាន បទពាក្យប្រាំពីរ

១-ទិដ្ឋភាពស្រុកខ្មែរស្រែស្រូវយើង ខាងកើតត្បូងជើងនិងខាងលិច
ល្អស្រស់ត្រកាលខ្មែរមិនភ្លេច ទោះនៅអាមេរិចកាណាដា។
២-អ្នកមីងច័ន្ទបូរណ៍បានខិតខំ ជួយប្រមូលផ្តុំកូនខេមរា
ឲ្យបរិច្ចាគទានដោយជ្រះថ្លា រួមទាំងប្រាជ្ញាស្ទួយវប្បធម៌។
៣-ចំនែកឯបងផលាទៀត ឈ្លកឆ្លៀតស្ទួយដែរថែឲ្យល្អ
កំណាព្យចំរៀងនិងសីលធម៌ ឲ្យខ្ពស់បវរខ្មែរបានសុខ។
៤- ខ្មែរអើយខំឡើងទាំងអស់គ្នា តពង្សាវតាបានទៅមុខ
លើកស្ទួយខ្មែរយើងឈប់ជួបទុក្ខ ពីនេះទៅមុខសុខគ្រប់ឋាន។
ភ្នំពេញ ព្រឹកថ្ងៃទី ២៩ ខែ ធ្នូ ឆ្នាំ ២០១០ និពន្ធដោយ យី ឆេងអ៊ួ (ប៉េង) បណ្ណារក្សខ្មែរ
Chanbo Keo : Seek to change the world for the better by changing ourselves first.