កំណាព្យ ស្នូរទឹកភ្លៀង បទកាកគតិ

1. ស្តាប់ស្នូរទឹកភ្លៀងដូចសំនៀងស្រី………………..ដូចជាតន្ត្រីបុរាណជាតិខ្មែរ
ស្នូរតំណក់ភ្លៀងដូចសំនៀងម៉ែ……………………ធ្លាប់ច្រៀងបំពេរកាលកូនក្មេងវ័យ។

2. ទឹកភ្លៀងអ្នកបានផ្តល់ក្តីសុខា……………………...ដល់ជាតិខេមរាកិច្ចប្រពៃ
ធ្វើកសិកម្មបានផលច្រើនក្រៃ………………………ជាតិខ្មែរថ្លាថ្លៃល្បីក្នុងលោកា។

3. ឱស្នូរទឹកភ្លៀងសំនៀងធម្មជាតិ…………………….ផលល្អមិនឃ្លាតដូចរូបជីវា
ច្រៀងលួងលោមបងឲ្យស្បើយទុក្ខា……………….ដូចជាទេវតាចុះពីឋានលើ។

4. ស្នូរដំណក់ភ្លៀងអមខ្យល់តិចៗ…………………….ខ្ញុំមិនអាចភ្លេចស្រស់ស្រីជំទើ
អូនល្អគ្មានពីរញាតិក៏សរសើរ……………………….បងសូមចូលស្នើរៀបការនឹងបង។

និពន្ធដោយ៖ យី ឆេងអ៊ួ (ប៉េង) កវីនិពន្ធ-បណ្ណារក្ខខ្មែរ
ភ្នំពេញ ថ្ងៃទី ២០ ខែ សីហា ឆ្នាំ ២០១១ ចាប់ផ្តើមតែពីម៉ោង ៥កន្លះ ដល់ ម៉ោង ៦គត់ ព្រឹក